Венецуелскиот министер за внатрешни работи Диосдадо Кабело доцна синоќа изјави дека околу 100 лица се убиени, а сличен број се повредени во американскиот напад во Каракас за време на викендот, чија цел беше апсењето на авторитарниот лидер Николас Мадуро, јави ДПА.
Кабело ја опиша операцијата како „страшен напад“ и рече дека бројот на жртви може да се зголеми. Тој додаде дека некои од убиените се цивили, вклучувајќи жени кои спиеле во своите домови во тоа време.
Информациите не можеа да бидат независно потврдени, пренесе германската агенција.
Венецуелските власти претходно објавија дека 24 војници се убиени во операцијата.
Куба ја потврди смртта на 32 од нејзините безбедносни лица стационирани во Венецуела, од кои некои служеле како телохранители на Мадуро.
Некои од венецуелските војници вчера беа погребани со воени почести во Каракас, со фотографии на кои се гледаат ковчези обвиткани со националното знаме.
Владата на САД не ги објави јавно бројките за жртвите. Американските медиуми, повикувајќи се на службеници запознаени со прашањето, објавија дека се проценува дека 75 лица се убиени за време на нападот, потсетува ДПА.
© Vecer.mk, правата за текстот се на редакцијата
