Поранешниот шеф на кабинетот на украинскиот претседател, Андриј Јермак, според пишувањето на „Њујорк пост“, за прв пат по неговата контроверзна оставка проговорил за западните медиуми и тоа во порака во која, како што се опишува, ги споил огорчувањето, разочарувањето и најавата за заминување на фронтот.
Јермак се нарекол себеси чесен и пристоен човек, нагласувајќи дека е подготвен да издржи каква било репресија.
„Бев навреден, а моето достоинство не беше заштитено, наспроти тоа што сум во Киев од 24 февруари 2022 година“, посочил тој во порака до редакцијата. Пораката што најмногу одекнала потоа била: „Не сакам да му предизвикувам проблеми на Зеленски, одам на фронтот. Можеби повторно ќе се видиме.“
Тој не навел кога планира да се врати на линијата на фронтот, ниту во кое својство, со извинување доколку не биде достапен во иднина.
„Згрозен сум од нечистотијата што е истурена во моја насока, а уште повеќе сум згрозен од недостигот на поддршка од оние кои ја знаат вистината“, истакнал Јермак.
© Vecer.mk, правата за текстот се на редакцијата
