„Семејствата се информирани за состојбата со нивните најблиски“, рече функционерот на прес-конференција. Тоа значи дека од 26-те заложници кои требаше да бидат ослободени во првата фаза, само 18 се живи.
Според договорот за прекин на огнот, во првата фаза од шест недели, почнувајќи од 19-ти јануари кога престанаа борбите, 33 заложници држени од Хамас во Појасот Газа требало да бидат ослободени во замена за повеќе од 1.900 палестински затвореници кои ги држи Израел.
Седум заложници веќе се вратија дома. Тие беа ослободени на 19 и 25 јануари. Менчер не ги соопшти имињата на загинатите заложници. Израел синоќа објави дека има долго баран список од Хамас за статусот на сите заложници, живи или мртви.
„Таа листа се совпаѓа со израелското разузнавање“, рече Менсер.
© Vecer.mk, правата за текстот се на редакцијата
