Жителите на Мајфадун, Шукин, Зебдин, Ансар, Зрарија, Мазрат Кавтаријат ар Руз и Машгара беа повикани да се евакуираат северно од реката Захрани, објавува „Тајмс оф Израел“.
„Со оглед на прекршувањето на договорот за прекин на огнот од страна на терористичката Хезболах, ИДФ мора силно да дејствува против него. Израелските сили не сакаат да му наштетат на никого. Секој што е во близина на оперативци, локации или оружје на Хезболах е во опасност“, изјави портпаролот на ИДФ за арапскиот регион, полковник Авичаи Адреј, на социјалната мрежа „X“.
Хезболах нападна пет тенкови на Меркава во Јахмар ал-Шакиф користејќи беспилотни летала, ракети и друго оружје, а дополнителен тенк беше погоден во близина на градот Дибин, соопшти либанската група.
Според агенцијата Анадолија, Хезболах, исто така, објави дека по нападот гореле тенкови, заедно со тврдења за напади врз израелски војници, воени возила и позиции на неколку локации во јужен Либан, вклучувајќи ги Накура, Хадата, Рашаф, Бахада и Завтар ал-Шаркија.
Извор: Б92
© Vecer.mk, правата за текстот се на редакцијата
