Во декември минатата година, Израел им нареди на 37 меѓународни организации, вклучувајќи ги „Лекари без граници“ и „Норвешкиот совет за бегалци“, да престанат со операциите во Газа и на Западниот Брег, освен ако не се согласат на нови услови, вклучително и предавање на список на палестински персонал.
Седумнаесет организации побараа од судот пред шест дена веднаш да ја поништи одлуката, тврдејќи дека тоа ќе доведе до сериозни хуманитарни последици.
Израел: Палестинските вооружени групи би можеле да ја злоупотребат хуманитарната помош
Судот сега издаде привремена одлука со која им дозволува на организациите да ги извршуваат повеќето од своите активности додека не се реши нивното барање.
Организациите тврдат дека објавувањето на имињата на палестинскиот персонал би ја загрозило нивната безбедност, со оглед на тоа што стотици хуманитарни работници се убиени и ранети во војната во Газа.
Израел вели дека е неопходно да се спречат палестинските вооружени групи да ја злоупотребуваат хуманитарната помош.
© Vecer.mk, правата за текстот се на редакцијата
