Израел го разгледува одговорот на Хамас на предлогот за прекин на огнот во Газа

-Медијаторите го доставија одговорот на Хамас до израелскиот преговарачки тим и тој моментално се разгледува, се вели во соопштението.

Хамас синоќа соопшти дека го доставил својот одговор на предлогот на Израел за 60-дневен прекин на огнот во Газа.

Одговорот вклучуваше предложени измени во условите за хуманитарна помош, мапи на областите од кои израелската армија мора да се повлече и гаранции за конечно завршување на војната, според палестински извор близок до разговорите.

Преговарачите од двете страни водат посреднички разговори во Катар во обид да постигнат договор за прекин на огнот што би овозможил ослободување на десет израелски заложници во замена за неодреден број палестински затвореници. Но, разговорите се влечеа повеќе од две недели без пробив, при што секоја страна ја обвинуваше другата дека одбива да направи отстапки.