На Rai1 се емитуваше емисијата Storie Italiane, а водителката ја прекина програмата за да ја соопшти веста за смртта на поглаварот на Католичката црква.
Видно вознемирена водителката погледна во хартијата што ѝ ја дадоа колегите, длабоко воздивна и неколкупати погледна во камерата обидувајќи се да ја искаже веста што штотуку ја добила.
„Пристигнаа две вести од агенциите, кои ги читам како новинар“, рече водителката, која потоа зеде уште еден здив барајќи ги вистинските зборови, објави Лего.
„Мислам дека ова е една од најтажните вести во светот - агенциите само што известуваат за веста за смртта на папата“, додаде таа додека во студиото владееше целосна тишина, микрофонот се смири и имаше мали технички проблеми.
Потресената Елеонора потоа се сврте кон својот гостин, свештеникот и рече: „Почина папата Франциск, мислам дека сега, дон Антонио, единственото нешто што ни остана е молитвата и тишината...“
Во студиото се слушнал друг гостин како шокирано вели: „Папата умре? О, Боже!“
È morto Papa Francesco.
— Il Grande Flagello (@grande_flagello) April 21, 2025
L'annuncio in diretta su Rai 1 pic.twitter.com/BXFYKZEKH4
Водителката потоа се смири и за папата Франциск рече дека тој бил човек кој му зборува на светот за љубов, мир и храброст.
„Тој го правеше тоа до последниот ден“, додаде водителката.
© Vecer.mk, правата за текстот се на редакцијата
