Од патроли на реката Тибар до беспилотни летала за надзор и снајперисти распоредени околу плоштадот „Свети Петар“, Рим се подготвува со поставување целосно модерен безбедносен штит за време на погребот на папата Франциск, на кој се очекува да присуствуваат повеќе од 200.000 луѓе.
Италијанското Министерство за одбрана спроведува засилени безбедносни мерки поради погребот со распоредување системи против дронови, борбени авиони „Еурофајтер“ и воен брод разурнувач покрај брегот на Фјумичино, соопштија официјални претставници.
Тие изјавија дека покрај системот против беспилотни летала, ќе бидат распоредени и борбени авиони и разурнувач покрај брегот на Фјумичино во централниот италијански регион Лацио, во кој спаѓа и Рим, за да се осигури воздушната и поморската безбедност на целиот регион, објави италијанската новинска агенција АНСА. /МИА
© Vecer.mk, правата за текстот се на редакцијата
