Иранскиот амбасадор и постојан претставник во Обединетите нации, Амир Саид Иравани, истакна дека Иран останува цврст во ставот дека збогатувањето на ураниум мора да се изведува на негова територија и под негов суверенитет.
Иран ја потенцира потребата производните капацитети да останат под домашен надзор, но тоа не значи дека не сме заинтересирани за регионална соработка. Ги отвораме вратите за партнерство со соседни земји кои имаат нуклеарни реактори, особено во делот на безбедноста и снабдувањето со гориво. Регионален конзорциум може да биде еден од моделите за ваква соработка, но тој не може да ја замени националната програма, туку само да ја надополни.
Иравани истакна дека основното прашање е признанието на правата на Иран како одговорен член на Договорот за неширење на нуклеарно оружје (ЈЦПОА).
Нашата заложба е да ги уживаме истите права како сите други членки. Според овој Договор, секоја држава има право да истражува, произведува и користи нуклеарна енергија за мирнодопски цели. Ние ќе ги браниме сите три аспекта на ова право, особено можноста тоа да го реализираме дома.
Иравани додаде дека доколку се постигне нов договор, Иран со подготвеност би ги пренел своите резерви од збогатен ураниум надвор од државата, доколку тоа го наложат условите на постигнатиот договор.
Овие резерви, ако се пристигне до договор, можат да бидат складирани и во Иран, но под надзор и печат на Меѓународната агенција за атомска енергија. Сè зависи од деталите на преговорите, и ова прашање е отворено за компромис.
Во врска со одлуката на иранското Собрание за прекинување на соработката со Меѓународната агенција за атомска енергија, Иравани објасни дека тоа се должи на непочитувањето на обврските на Агенцијата спрема Иран, нагласувајќи дека владата е должна да го испочитува одобрениот закон.
Ова не означува повлекување од Договорот за неширење, туку привремено замрзнување на соработката со Агенцијата. Ако Агенцијата не ги исполнува своите обврски, не може да се очекува Иран еднострано да ги исполни своите.
Доколку МААЕ дејствува објективно и преземе мерки против нападите врз иранските нуклеарни постројки, како и ако ги гарантира правата на Иран според меѓународните договори, властите се изјаснија дека ќе размислат за обновување на соработката.
© Vecer.mk, правата за текстот се на редакцијата
