Тој предупреди дека доколку блокадата продолжи, Иран, како одговор, повторно целосно ќе ја затвори таа клучна поморска рута, што многу веројатно би предизвикало силен пораст на цените на нафтата и гасот.
Истиот извор изјави дека за премин на бродови низ овој важен економски коридор, откако ќе биде повторно отворен, важат три услови:
1. Бродовите мора да бидат комерцијални, а не воени
2. Бродовите можат да користат само рути одредени од Иран
3. Целиот транзит мора да се одвива во „координација“ со иранските сили
Трамп: Блокадата ќе остане на сила сè додека договорот не биде 100% завршен
Претседателот на САД, Доналд Трамп, изјави претходно денес дека американската блокада ќе остане „во полна сила“ сè додека не се постигне мировен договор. Трамп напиша дека блокадата ќе остане на сила сè додека договорот не биде „100% ЗАВРШЕН“, додавајќи дека очекува тоа да се случи „МНОГУ НАСКОРО“.
Американскиот генерал Ден Кејн вчера изјави дека веднаш по воведувањето на блокадата, бродовите се обиделе да ја пробијат и дека најмалку 14 бродови биле спречени да поминат низ Ормутскиот теснец.
© Vecer.mk, правата за текстот се на редакцијата
