Новинарите на Ројтерс на местото на настанот процениле дека околу 2.000 луѓе учествувале на протестот, извикувајќи „Европа“ и „Валкани фидеси“ додека се обидувале да блокираат клучен мост во Будимпешта.
„Подмолниот закон усвоен (минатиот) вторник не е само за забрана на Прајд, тој ефективно дозволува задушување на каква било форма на протест во иднина“, напиша на Фејсбук организаторот на протестот Акос Хаџази, независен пратеник во парламентот.
Демонстрантката Жужа Сабо (72), која дојде на протестот од Кечкемет, рече дека не се работи за гордост, туку за слобода на собирање, што, како што тврди, владата на премиерот Виктор Орбан се обидува да го „ограничи, а можеби и целосно да го запре“.
Унгарскиот парламент усвои закон предложен минатата недела од пратениците на владејачката партија Фидес за забрана на Парадата на гордоста со образложение дека може да биде штетна за децата.
🚨🇭🇺 AROUND 2,000 PROTEST IN BUDAPEST AFTER HUNGARY BANS LGBTQ+ PRIDE MARCH
— Mario Nawfal (@MarioNawfal) March 25, 2025
The law, passed by Prime Minister Viktor Orban’s Fidesz party, claims the Pride event would harm children and allows authorities to use facial recognition to identify organizers.
MP Akos Hadhazy:
“This… https://t.co/YF5ZC6lmlN pic.twitter.com/FnVhstELby
Либералниот градоначалник на Будимпешта, Гергели Карачони, го критикуваше законот, а членовите на опозициската партија Моментум запалија димни ракети во знак на протест за време на гласањето во парламентот.
Организаторите на фестивалот тврдат дека годишната Парада на гордоста не претставува закана за децата и дека планираат да го одржат Прајд и покрај забраната.
© Vecer.mk, правата за текстот се на редакцијата
