Дванаесет деца и шест возрасни лица се однесени во локалните болници, додека две лица си заминале сами откако гром удри во езерото Мари, изјави портпаролката на округот Лексингтон, Ванеса Дијаз, за Фокс Њуз.
„Возраста на пациентите не беше веднаш јасна, ниту пак степенот на нивните повреди“, рече Дијаз, додавајќи дека ниедна од повредите не е во животна опасност.
Громот удри во „супер топол и сончев“ ден, иако облак од бура помина над областа, рече Дијаз.
„Не врнеше дожд или нешто слично, тоа беше само случаен облак од бура што помина“, рече таа.
Прелиминарниот извештај за бура од Националната метеоролошка служба покажува дека гром удрил околу 16:43 часот по локално време, а според службите за итни случаи, 12 малолетници и осум возрасни лица биле повредени во ударот на гром, изјави шефот на противпожарната служба на округот Лексингтон, Кајл Миник.
© Vecer.mk, правата за текстот се на редакцијата
