Гренланд сака засилени односи со ЕУ поради територијалните претензии на Трамп

„Ние во Гренланд сакаме посилна и поблиска соработка со Европската Унија. Можеме да понудиме многу и тоа ни дава големи можности за развој“, рече Нилсен на самитот на Европската политичка заедница во Копенхаген.

Гренланд беше претставен на состанокот за прв пат, а Нилсен рече дека сакаат да го прошират партнерството во корист на двете страни.

Претседателката на Европската комисија, Урсула фон дер Лајен, изрази слични позитивни ставови по средбата со Нилсен. „Европа и Гренланд секогаш ќе бидат меѓусебно лојални и сигурни партнери. Сакаме да ја продлабочиме нашата соработка“, објави таа на социјалната мрежа X.

Quajanac, dear Prime Minister Nielsen.

Europe and Greenland will always be each other’s trusted and reliable partners.

We want to deepen our cooperation. That’s why we aim to double our financial support to Greenland.

So we can deliver clean energy and create the technologies… pic.twitter.com/oufGyKLHVu

— Ursula von der Leyen (@vonderleyen) October 2, 2025

Таа додаде дека ЕУ сака да ја удвои финансиската помош за Гренланд, осврнувајќи се на плановите на Комисијата Гренланд да добие 500 милиони евра во следната повеќегодишна буџетска рамка.

Соработката со САД не е исклучена

На почетокот на годината, Трамп неколку месеци велеше дека САД имаат право на Гренланд. Иако таа дискусија оттогаш замре, тој не го промени својот став. Гренланд, кој има население од околу 56.000 жители, е во голема мера автономен, но официјално ѝ припаѓа на Данска.

На самитот во Копенхаген, Нилсен не ја исклучи можноста да биде отворен за пријателска соработка со САД под одредени услови.

Тој рече дека соработката со ЕУ не ја исклучува соработката со САД. Најважно е тие да им користат на луѓето од Гренланд колку што е можно повеќе, рече тој.