Главната железничка станица во Виена повторно е отворена за сообраќај

Главната железничка станица во Виена повторно е отворена за сообраќај откако попладнето беше евакуирана поради неодредена закана, а некои австриски медиуми објавија дека станува збор за закана за поставена бомба.

„Добри вести! Нашите возови повторно сообраќаат на главната станица во Виена. Очекувајте продолжување на доцнењата и откажувањата на возовите“, соопшти националната железничка компанија ОББ.

Австриската полиција претходно ја евакуираше главната железничка станица во Виена, а „Куриер“ објави дека станува збор за закана за бомба. 

Откако беше спроведена голема полициска акција, вклучително и евакуација, прекин на сообраќајот на возот и јавниот превоз низ станицата, проверките за присуство на експлозиви извршени од специјалци и обучени кучиња покажаа дека нема ништо опасно./МИА