„Стотици илјади деца, стари лица и цели семејства мора да издржат екстремно ниски температури без електрична енергија, греење или топла вода“, изјави заменик-портпаролот на владата, Штефен Мајер, во Берлин.
„Рускиот претседател Владимир Путин го користи студот како оружје“, рече портпаролот, опишувајќи ги нападите како „длабоко нехумани и презриви кон човечкиот живот“, пренесе германската агенција.
„Според наше мислење, путинова Русија во овој случај извршува воени злосторства“, додаде тој.
Според украинскиот претседател Володимир Зеленски, само во Киев во моментов повеќе од еден милион жители се без електрична енергија по последните руски напади.
Германија „ги осудува овие континуирани масовни руски воздушни напади на најсилен можен начин“, рече портпаролот, пренесен од ДПА.
И покрај многуте други спорови на меѓународната сцена, настаните во Украина заслужуваат јасен фокус, додаде тој. Завршувањето на оваа војна треба „и натаму да биде централна заедничка грижа на Европа, Украина, САД, а исто така и на меѓународната заедница“.
© Vecer.mk, правата за текстот се на редакцијата
