Објавата претставува најконкретниот чекор на ЕУ досега за зголемување на капацитетите на Украина за борба со дронови.
Фон дер Лајен во разговор со новинарите со генералниот секретар на НАТО, Марк Руте, рече дека ова ќе ѝ овозможи на Украина да се прошири и да го искористи својот целосен капацитет, а на ЕУ да има корист од оваа технологија, објави Политико.
Руте и фон дер Лајен денеска разговараат за прашања од одбраната и безбедноста на Колеџот на комесари во Брисел.
Претседателката на Европската комисија, исто така, сака да започне дебата за тоа како да се финансира долгорочната поддршка за Украина.
Таа изложи план за „кредит за репарација“ врз основа на руски средства замрзнати во ЕУ, пишува Политико. Кредитот, рече таа, ќе биде исплатен во транши под одредени услови, а дел од него ќе биде наменет за воена набавка од европската индустрија.
Нејзините коментари се совпаѓаат со оние на германскиот канцелар Фридрих Мерц во колумна за „Фајненшл тајмс“ минатата недела.
Клучот, нагласи фон дер Лајен, е „да нема запленување на средства“ - Украина ќе го врати кредитот само ако Русија плати репарации според иден повоен договор.
Руте ја поддржа иницијативата на ЕУ за таканаречен „ѕид од дронови“ по должината на источната граница на ЕУ. Тој рече дека иницијативата е „навремена и неопходна“.
„Не можеме да трошиме милиони евра или долари за ракети за уништување беспилотни летала што чинат само неколку илјади долари“, рече Руте.
Европски совет - лидерите на земјите-членки на ЕУ ќе разговараат за одбранбените планови и подготовките за заедничкиот „Патен план за подготвеност на НАТО и ЕУ 2030“ на неформален самит во Копенхаген утре.
© Vecer.mk, правата за текстот се на редакцијата
