Во својот денешен говор пред Генералното собрание на ОН, американскиот претседател Доналд Трамп им се обрати на европските земји во врска со војната во Украина и купувањето руска нафта. Им порача да се засрамат со купувањето руска нафта.
Тој го повтори своето барање до земјите од НАТО да престанат да купуваат нафта од Русија.
- Тие не можат да го прават тоа што го прават. Тие купуваат нафта и гас од Русија додека се борат против Русија. Се срамат, вели тој.
Тој вели дека за овој „неоправдан тренд“ дознал само пред две недели.
Тој, исто така, ги обвини Индија и Кина дека се „главни финансиери“ на војната со купувањето руска нафта.
Тој истакнува дека е подготвен да воведе „нова рунда силни царини“ за Русија бидејќи верува дека тоа ќе го запре крвопролевањето.
Но, тој рече дека ќе го стори тоа само ако европските земји престанат да купуваат руска нафта и го следат неговиот пример.
Членката на НАТО, Турција, е трет најголем купувач на руска нафта од 2023 година, по Кина и Индија, според Центарот за истражување на енергијата и чистиот воздух, а членките Унгарија и Словачка исто така купуваат енергија од Москва, објавува „Скај њуз“.
© Vecer.mk, правата за текстот се на редакцијата
