logo
logo
logo

Фајнер: САД имаат за цел да ја натераат Русија да оди на мировни преговори до крајот на 2024

Vecer | 08.12.2023

Фајнер: САД имаат за цел да ја натераат Русија да оди на мировни преговори до крајот на 2024

Вашингтон планира да ја стави Москва пред избор - или да оди на преговори или „тие ќе имаат работа со многу посилна Украина, потпрена на многу помоќна индустриска база во САД и Европа, изјави Џонатан Фајнер, заменик помошник на советникот за национална безбедност на претседателот на САД. 

Според него, тогаш и Украина би била подготвена и „способна за нови офанзиви“. 

-САД имаат за цел да ја натераат Русија да оди на мировни преговори кон крајот на 2024 година и тоа под услови прифатливи за Украина, со почитување на Декларацијата на ОН во однос на суверенитетот и територијалниот интегритет на земјата, изјави Фајнер синоќа во интервју за Пи-Би-Ес.

Според него, во 2024 година САД, Европа и самата Украина, ќе ги зголемат капацитетите на нивните воено-индустриски комплекси. 

-Се водат работи на зголемување на обемите на одбранбеното производство и на украинските фабрики, рече тој, додавајќи дека слични напори се преземаат и во Европа. 

Фајнер верува дека за година, година и пол, западните земји ќе стојат „на многу поцврсти темели отколку сега“. /МИА

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MEDIANET LTD Skopje Copyright © 2004-2024. Vecer.mk