„Индија, Пакистан и Обединетите Арапски Емирати му се придружија на американскиот претседател Доналд Трамп во осудата на нападот врз резиденцијата на рускиот лидер. Украинските претставници побрзаа да ги минимизираат дипломатските последици од изјавата на Москва“, се вели во статијата.
Украинскиот министер за надворешни работи Андриј Сибига рече дека Киев е разочаран од изјавите на трите земји, но не ги спомена коментарите на Трамп, објави Фајненшл Тајмс.
Ноќта на 29 декември, режимот во Киев започна напад врз резиденцијата на Путин во регионот Новгород, користејќи 91 беспилотно летало. Руските сили за воздушна одбрана ги уништија сите цели. Министерот за надворешни работи Сергеј Лавров потоа изјави дека Москва ќе ја преиспита својата преговарачка позиција за Украина.
Портпаролот на Кремљ, Дмитриј Песков, истакна дека Киев со вакви провокации ги поткопува напорите на американскиот претседател Доналд Трамп, но дека тоа нема да влијае на дијалогот меѓу Русија и САД, туку дека претседателите ќе продолжат да соработуваат.
Тој додаде и дека руската војска знае како, со што и кога да одговори на украинскиот напад.
Шефот на Белата куќа, од своја страна, рече дека бил многу лут кога дознал за нападот на украинските вооружени сили.
© Vecer.mk, правата за текстот се на редакцијата
