Генералниот секретар на НАТО, Марк Руте, денес оцени дека „е клучно да се работи на деескалација“ по израелските напади утрово врз воени и нуклеарни цели во Иран.
„Ова е очигледно брзо развивачка ситуација и претставува еднострана акција од страна на Израел“, рече Руте за време на состанокот со шведскиот премиер Улф Кристерсон.
„Сега е клучно за многу сојузници, вклучувајќи ги и САД, да работат на деескалација“, додаде тој.
Руте рече дека знае дека го прават тоа и дека тоа сега е „апсолутен приоритет“.
Денес, Израел изврши серија воздушни напади врз Иран, насочени кон околу стотина цели, вклучувајќи нуклеарни постројки. Ирански воени команданти и нуклеарни експерти беа убиени во израелските напади.
Техеран возврати со лансирање беспилотни летала на израелска територија.
Шведскиот премиер рече дека она што се случува во нестабилниот регион ризикува значително да ја влоши ситуацијата.
Кристерсон рече дека постои широк консензус дека на Иран не може да му се дозволи да развива нуклеарно оружје, но додаде дека прашањето треба да се врати на преговарачката маса.
Тој оцени дека овие напади „би можеле да ги зголемат ризиците од терористички закани и други опасни активности“.
© Vecer.mk, правата за текстот се на редакцијата
