Турскиот претседател Реџеп Таип Ердоган остро реагираше на последните настани на Блискиот Исток, изјавувајќи дека Иран само се брани од, како што рече, нелегални и "луди" напади од Израел, кои тој ги опиша како "државен тероризам". Според него, одбранбените акции на Иран се природни, законски и оправдани.
Во своето обраќање пред Парламентот до членовите на својата партија, Ердоган напомена дека нападот на Израел кон соседната земја на Турција бил спроведен без почекување на исходот од разговорите околу иранската нуклеарна програма помеѓу Вашингтон и Техеран. Притоа нагласи дека Анкара се залага за решавање на меѓународните спорови по дипломатски пат.
Ердоган, исто така, остро го критикуваше израелскиот премиер Бенјамин Нетанјаху, оценувајќи дека ги надминал најтешките примери од минатото, споредувајќи го дури со Адолф Хитлер поради злосторствата во Газа.
© Vecer.mk, правата за текстот се на редакцијата
