Идејата е споделена и со земјите-членки на ЕУ.
Според предлогот, Украина ќе го врати заемот само откако Русија ќе ја заврши војната и ќе плати воени репарации, по што ЕУ ќе ѝ ги надомести средствата на белгиската компанија „Еуроклеар“, која ги поседува замрзнатите руски средства.
Заемот ќе биде доделен во транши и ќе се користи и за одбрана и за редовни буџетски расходи на Киев.
Европската комисија, исто така, предложи промена на правилата за продолжување на санкциите - наместо едногласност, одлуките ќе се донесуваат со квалификувано мнозинство, што би го намалило ризикот Унгарија да го блокира процесот и потенцијално да ги врати средствата во Русија.
Германскиот канцелар Фридрих Мерц ги поддржа идеите во уреднички текст за „Фајненшл тајмс“ (FT), но нагласи дека средствата треба да се користат исклучиво за воена помош на Украина.
Претставниците на Европската унија, исто така, разгледуваат нов 19-ти пакет санкции против Русија што данското претседателство со ЕУ сака да го подготви до самитот во Копенхаген следната недела.
© Vecer.mk, правата за текстот се на редакцијата
