Европската унија ги засили мерките за справување со пожари и суши, подготвувајќи 22 противпожарни авиони, 4 хеликоптери и 650 пожарникари за брза интервенција во земјите-членки. Ова доаѓа поради зголемениот ризик од високи температури и суши, кои предизвикаа пожари во неколку европски држави.
Европа се соочува со рекордни горештини, долги периоди на суша и разорни пожари, поради последиците од климатските промени. Не смееме да останеме рамнодушни. Топлотниот бран од пред десетина дена е јасен показател дека климата се менува пред нашите очи.
Пожари беа регистрирани во Франција, Грција, Германија, Шпанија, Албанија, Србија и Турција. Европскиот механизам „RescEU“ е подготвен да обезбеди помош за секоја земја која ќе има потреба од поддршка.
© Vecer.mk, правата за текстот се на редакцијата
