Украина е демократија, а Русија под (рускиот претседател Владимир) Путин не е, изјави денеска портпарол на Европската комисија, одговарајќи на прашања поврзани со изјавите на американскиот претседател Доналд Трамп.
- Не можам да претпоставам од каде американскиот претседател црпи информации за да дава вакви изјави, додаде портпаролот.
Тој истакна дека во рамките на ЕУ се одржуваат состаноци на различни нивоа во врска со можностите за постигнување праведен и траен мир во Украина.
Портпаролот нагласи дека решение не може да се постигне без учество на Украина и Европската Унија.
- Безбедноста на Украина е поврзана со безбедноста на Европската Унија, заклучи тој.
© Vecer.mk, правата за текстот се на редакцијата
