Несреќата се случила доцна синоќа кога пожар избувнал при претовар на гориво од танкер во пристаништето Хомалин во северозападниот регион Сагаинг.
Пламенот брзо се проширил на други бродови, пловила и возила во пристаништето, додека на видео-снимки објавени на социјалните мрежи може да се забележи густ црн чад што се издига над подрачјето. Според извештаите, пожарот се уште не е целосно изгаснат.
Неколку од повредените лица во инцидентот се во критична состојба.
Очевидци изјавиле дека на бродовите имало илјадници буриња со гориво, а дел од пловилата се обидувале да го напуштат пристаништето иако веќе биле зафатени од пожарот. Огнот брзо се проширил поради високите температури во регионот.
Пристаништето воглавно се користи за локален транспорт на стоки и гориво. Сличен инцидент беше регистриран и во март, кога се запалија два танкери при што загинаа најмалку шест лица.
© Vecer.mk, правата за текстот се на редакцијата
