Туристичкиот автобус кој сообраќал од Барселона, Шпанија, за Босна и Херцеговина, синоќа околу 20 часот, вонредно запрел на автопатот во Франција кај Кан и Ница, бидејќи неколку патници изгубиле свест.
Локалниот весник Нис матен наведува дека возачот го паркирал автобусот на постојката за одмор во Видобан Суд и дека седум од 62 патници во тој момент биле без свест.
Urgence sur l'autoroute A8 : Malaise collectif dans un bus de liaison Barcelone-Bosnie Herzégovine https://t.co/DIxRrPLEgQ #var #varactu #infos #actus #Urgence #AutorouteA8 #Vidauban #SapeursPompiers #SMUR #MalaiseCollectif #TransportEnCommun #Sécurité #SantéPublique
— Var Actu (@var_actu) September 23, 2023
Се наведува дека француските власти веднаш испратиле голем спасувачки тим, вклучувајќи седум амбулантни возила и пожарникари.
За драмата на автопатот А8 и патниците на кои масовно им се слошило во автобусот, известува и француската телевизија БФМ ТВ, по што возачот повикал помош.
Медиумите од Франција кои ја објавија веста немаат информации што се случило со туристите и зошто биле пронајдени во несвесна состојба.
© Vecer.mk, правата за текстот се на редакцијата
