Ариел тврди дека нејзиниот сопруг сексуално ја злоставувал со месеци пред ужасниот напад за време на одморот на Хаваи, објави магазинот The People.
Полицијата соопшти дека Герхард се обидел да ја турне Ариел од карпа за време на патувањето во Пали Локаут во Оаху, Хаваи. Брачниот пар бил на карпа со поглед на височина од повеќе од 300 метри кога Герхард ненадејно ја нападнал Ариел, ја турнал со лицето на земја и ја удрил најмалку десет пати со камен во главата. Кога таа била речиси без свест, се обидел да ѝ вбризга течност со шприц.
Wife of Hawaii Doctor Alleges He Had Been Sexually Abusing Her For Months Before Cliff Attack https://t.co/PLQtpY9OLN
— People (@people) March 31, 2025
Напаѓачот успеал да побегне од местото на злосторството, но подоцна бил уапсен и обвинет за обид за убиство истиот ден. Во налогот за забрана поднесен по нападот, Ариел тврдела дека Герхард сексуално ја злоставувал со месеци пред инцидентот.
Таа не кажала колку траело злоставувањето, но во барањето навела дека промената на неговото однесување дошла во декември.
"Ме обвини дека го изневерувам и беше крајно љубоморен. Целосно се промени во декември, обидувајќи се да ги контролира и надгледува сите мои комуникации", изјавила Ариел и потврдила дека таа и нејзиниот сопруг отишле на индивидуална и заедничка терапија.
Ариел тврдела дека Герхард збеснал откако тој побарал да се слика со неа на работ од карпата, а таа му кажала дека ѝ е непријатно.
„Се налути и почна налутено да ме турка назад кон работ. Ми викаше да излезам од таму и дека му е лошо од мене“, изјавила Ариел.
Отпрвин, вели таа, мислела дека Герхард се шегува: „Набрзо сфатив дека е сериозен и дека сака да ме турне во бездната“.
Таа успеала да се спаси и да побегне од монструмот кој набрзо потоа бил уапсен.
© Vecer.mk, правата за текстот се на редакцијата
