Американскиот претседател Доналд Трамп изрази целосна поддршка за унгарскиот премиер Виктор Орбан пред претстојните избори, нарекувајќи го „силен и моќен лидер“. Во објава на својата социјална мрежа, Трамп ги повика Унгарците да гласаат за Орбан на изборите што ќе се одржат задутре, 12 април, објави платформата Truth Social.
Тој повторно се јави вечерва. „Мојата администрација е подготвена да ја искористи целосната економска сила на Соединетите Американски Држави за зајакнување на унгарската економија, како што правевме за нашите големи сојузници во минатото, доколку премиерот Виктор Орбан и унгарскиот народ некогаш имаат потреба од тоа. Со нетрпение очекуваме да инвестираме во идниот просперитет што ќе произлезе од континуираното лидерство на Орбан“, рече американскиот претседател Доналд Трамп на својата социјална мрежа.
Американскиот претседател потсети дека го поддржал Орбан на изборите во 2022 година.
„Бев горд што го поддржав Виктор за реизбор во 2022 година и ми е чест што го правам тоа повторно“, рече тој во претходна објава.
Бриселските обложувалници навиваат за Маѓар
Шансите на Виктор Орбан за победа на претстојните парламентарни избори во Унгарија паднаа откако потпретседателот на САД, Џ.Д. Венс, одржа говор во знак на поддршка, стои во најновите коефициенти за обложување на Полимаркет.
Според обложувалницата „Полимаркет“, Орбан има 32 проценти шанси за победа на изборите, што е намалување од 35 проценти на 5 април. Платформата за обложување „Калши“ му дава 31 процент шанси за победа, додека на 5 април таа бројка беше 33,3 проценти, што е пад од околу три процентни поени за пет дена.
ДАЛИ Е БАШ ТАКА ИЛИ СПРОТИВНО?
Најновите анкети во Унгарија ги изброија сите избирачки места. Орбан е на пат да ОСВОИ СУПЕРМОЗИНСТВО. Единствената џокер-карта во реалноста е партијата „Ми Хазанк“!
© Vecer.mk, правата за текстот се на редакцијата
