Американскиот претседател Доналд Трамп ќе испрати ракети „Патриот“ во Украина, велејќи дека на Киев му се потребни за да се одбрани од Русија.
„Рускиот претседател Владимир Путин зборува убави работи, а потоа навечер бомбардира сè“, рече Трамп, пренесува Ројтерс.
Тој не прецизираше колку ракети ќе бидат испратени во Украина, но истакна дека Европската Унија ќе ги надомести трошоците за ракетите.
„Ќе ги испратиме „патриотите“ што им се очајно потребни, бидејќи Путин изненади многу луѓе. Тој зборува убави работи, а потоа бомбардира. Има еден мал проблем, а тоа е што не ми се допаѓаат такви работи. Во основа, ние испраќаме разни парчиња софистицирана воена опрема во Украина. Тие ќе ја платат целата цена за тоа, бидејќи така ни одговара“, им рече Трамп на новинарите.
Прекин во Газа оваа недела?
Зборувајќи за потенцијален договор за прекин на огнот во Појасот Газа, Трамп изрази надеж дека тоа ќе се случи оваа недела.
„Преговорите се во тек и се надевам дека можеме да постигнеме договор до крајот на неделата“, рече Трамп.
Трамп истакна дека разговарал со заменик-директорот на американското ФБИ, Ден Бонџино, за да го намали незадоволството на јавноста од тоа како Министерството за правда на САД го заврши случајот со обвинувањата против Џефри Епштајн и неговиот наводен список на клиенти.
На прашањето на новинарите дали Бонџино ќе остане на таа позиција, Трамп одговори позитивно.
© Vecer.mk, правата за текстот се на редакцијата
