Шпанскиот премиер Педро Санчез присуствува на денешниот самит на „Коалицијата на волјата“, група земји сојузнички со Украина, виртуелно преку видеоврска откако технички проблем на авионот го спречил лично да присуствува на состанокот во Франција.
Скај њуз објави дека Санчез веќе бил во воздух кога проблем со авионот го принудил да се врати во Мадрид.
Ова го изјави портпаролот на кабинетот на шпанскиот премиер.
Британската агенција наведува дека ова се случува откако GPS сигналот на авионот на шефицата на Европската комисија Урсула фон дер Лајен бил блокиран, што според првичните тврдења на „Фајненшл тајмс“ го извршила Русија, но нема индикации дека ова е поврзано со проблемот на Санчез денес.
ЕУ и Бугарија, каде што фон дер Лајен слета во неделата откако авионот имаше проблеми, ја обвинија Москва и го нарекоа инцидентот „јасно мешање“.
Во понеделник, услугата за следење на летови Flightradar24 соопшти дека GPS сигналот никогаш не бил изгубен и дека доцнењето на слетувањето било само девет минути.
„Коалицијата на волјата“ се состанува денес во Париз, копретседател на која се францускиот претседател Емануел Макрон и британскиот премиер Кир Стармер.
Извор на Би-Би-Си од Елисејската палата изјави за Би-Би-Си дека групата сега е подготвена да обезбеди безбедносни гаранции за Украина и само чека потврда од САД дека ќе дејствува како последно средство, поради што таа ќе разговара со американскиот претседател Доналд Трамп по телефон по самитот.
© Vecer.mk, правата за текстот се на редакцијата
