Таа беше спасена утрово во Најпидав, главниот град на Мјанмар. Ова е вистинско чудо, ако се земе предвид колку време поминало, објави Скај Њуз.
Досега се пријавени повеќе од 2.700 смртни случаи, а се очекува бројката да надмине 3.000. Исто така, повредени се 4.521 лице, а 441 се водат како исчезнати.
Покрај жртвите, повеќе од 10.000 згради се уништени или сериозно оштетени, особено во централниот и северозападниот дел на Мјанмар.
Во Мандалеј, вториот по големина град, 50 деца и две учителки ги загубија животите при уривање на градинка. Последователните потреси и стравот од други земјотреси принудија многу луѓе да спијат надвор на улиците или на отворено на полињата.
© Vecer.mk, правата за текстот се на редакцијата
