Засега нема веродостојни докази за тоа кој би можел да стои зад обидот за напад врз гасоводот во Србија, изјави портпаролот на Кремљ, Дмитриј Песков.
„Знаеме дека засега нема веродостојни докази за тоа кој би можел да стои зад обидот за напад на европска територија врз оваа витална енергетска артерија, која моментално работи под екстремен притисок“, рече Песков, коментирајќи ја ситуацијата околу гасоводот.
Тој потсети дека киевскиот режим повеќепати ги напаѓал деловите од гасоводите „Турски тек“ и „Син тек“, нагласувајќи дека ситуацијата е исклучително опасна.
„Ситуацијата е потенцијално многу опасна. Знаеме дека инфраструктурата, разни делови од инфраструктурата и на ‘Турски тек’ и на ‘Син тек’, беа повеќепати напаѓани од страна на киевскиот режим“, изјави Песков, коментирајќи ја ситуацијата околу гасоводната мрежа.
Портпаролот истакна дека Москва ги презема сите неопходни мерки со цел да ја осигура безбедноста на оваа инфраструктура, пренесува Спутник.
© Vecer.mk, правата за текстот се на редакцијата
