Либанското Министерство за здравство соопшти дека девет лица загинале, а повеќе од 300 се повредени во денешните експлозии на комуникациски уреди.

Денешниот напад наиде на жестоки реакции и осуда од повеќе либански и интернационални организации.&nbsp;

Шефот на Обединетите нации, Антонио Гутереш е „длабоко вознемирен“ од извештаите дека голем број комуникациски уреди експлодирале низ Либан.

Високиот функционер на Хамас Изат ал Ришк вели дека израелската влада е одговорна за последиците од „овој континуиран напад врз Либан“, откако уредите за комуникација што ги користеше Хезболах детонираа низ јужниот дел на Либан и во предградијата на Бејрут.

Од друга страна пак,&nbsp;Израелскиот министер Јоав Галант за одбрана прогласи почеток на „нова фаза“ од војната против Газа, бидејќи Израел го насочува својот фокус кон северниот фронт против борците на Хезболах во Либан.

Галант не ги спомна експлозиите на електронски уреди во Либан. Но, тој ја пофали работата на израелската армија и безбедносните агенции, велејќи дека „резултатите се многу импресивни“.

Во вторникот, во експлозии во пејџери што ги користеше либанската група Хезболах загинаа 12 лица, а беа ранети речиси 3.000, од ​​кои околу 200 критично.

Бројот на жртви порасна на 9, преку 300 повредени во денешните експлозии на воки-токи уреди на Хезболах!