Првата дама на Франција, Брижит Макрон, поднесе барање до највисокиот суд во земјата – Касациониот суд, барајќи конечна пресуда за клеветата против две жени кои јавно изнесоа тврдења дека таа е биолошки маж.
Сопругата на претседателот Емануел Макрон очекува судот да се произнесе во нејзина полза против самопрогласената спиритуална медиумка Амандин Рој и независната писателка Наташа Реј.
Ова е веќе трето правно рочиште за случајот, бидејќи пониските судови не можеа да се усогласат дали наводите на двете жени дека првата дама била „родена како маж“ претставуваат клевета.
Случајот започна во декември 2021 година кога на Јутјуб беше објавено видео во кое Рој и Реј тврдат дека Брижит Макрон всушност е родена како маж.
Во видеото, кое е претставено како интервју, тие изнесуваат теза дека вистинскиот идентитет на Брижит е нејзиниот брат, Жан-Мишел Троњу, и дека тоа било скриено преку сложена завера.
Двете жени тврдат дека Жан-Мишел Троњу преминал во Брижит преку низ операции и дека подоцна стапила во брак со иденот претседател на Франција, кој е 25 години помлад од својата 72-годишна сопруга.
Елисејската палата поднесе тужба за клевета, а понискиот суд во септември минатата година пресуди дека обвинетите треба да и исплатат на Брижит Макрон 8.000 евра, а на нејзиниот брат 5.000 евра.
Сепак, парискиот суд ја укина таа пресуда, укажувајќи дека видеото и неговата содржина се покриени под законите за слобода на говор, независно од тоа дали тврдењата се точни.
Сега се очекува крајна одлука, бидејќи адвокатот на првата дама најави дека ќе го пренесе случајот во Касациониот суд, а слично ќе постапи и нејзиниот брат.
Спекулациите околу семејството Макрон и наводни тајни за нив се шират особено преку социјалните мрежи, не само во Франција туку и во странство.
Американската коментаторка Кендиc Овенс, преку серијата видеа „Стана Брижит“, исто така ги повторува овие тврдења, препорачувајќи дека француската прва дама е родена како маж и потајно преминала во жена.
„Откако го истражив ова, би ја ризикувала целата моја професионална репутација со тврдењето дека Брижит Макрон е всушност маж“, напиша таа минатата година на социјалните мрежи.
Овенс тврди дека и таа добивала предупредувања и закани за тужби од страна на Елисејската палата.
Животот и односот на брачната двојка Макрон остануваат извор на јавен интерес и шпекулации.
Нивниот брак повторно беше тема во медиумите во мај, кога камерите го фатија претседателот како наизглед добива потисок од страна на сопругата пред да се симнат од авион во Виетнам.
Елисејската палата ги демантираше шпекулациите дека парот има брачни проблеми, наведувајќи дека инцидентот бил „момент на блискост“ и „шега како опуштање пред почетокот на патувањето“.
© Vecer.mk, правата за текстот се на редакцијата
