Малиот Емир и неговата сестра Ниса (14) загинаа под урнатините, додека спасувачите, по осумчасовно пребарување, успеаја да ја извлечат нивната најстара сестра Дилара (18) жива од урнатините и да ја префрлат во болница во свесна состојба.
Спасувачите сè уште ги бараат нивната мајка Емина (37) и таткото Левент (44), кои сè уште се заробени под урнатините и не се знае дали се живи.
„Сè уште немаме информации за таткото и мајката, а потрагата по нив сè уште е во тек. Извлековме живо 18-годишно девојче. Таа разговараше со нашите спасувачи цело време додека беше закопана во урнатините. Беше свесна кога ја извлекоа и итно беше префрлена во болница. За жал, нејзиниот помлад брат и сестра не преживеаа“, изјави за медиумите заменик-министерот за внатрешни работи на Турција, Мехмет Акташ.
Седумкатната зграда се урна ноќеска под сè уште неразјаснети околности, а безбедносните камери од друга зграда го снимија моментот кога се урна станбената зграда каде што живееше семејството на малиот Емир.
Во моментот на трагедијата, Емина и нејзиниот сопруг биле во една соба, додека Емир бил во друга со своите сестри. Сè уште не е познато точно колку други семејства живееле во зградата, како и дали некој сè уште бил внатре во моментот на уривањето.
Gebze’de 7 katlı binanın yıkıldığı anlar ortaya çıktı; pic.twitter.com/fAAhPoOkOY
— Metropol Haber (@metropolmedya_) October 29, 2025
Според турските медиуми, во зградата што се урнала имало аптека, а наводно биле зафатени само три стана.
Зградата наводно е изградена во 2012 година. Сè уште не е познато што го предизвикало уривањето.
Денот пред трагедијата, некој ја фотографирал зградата, и јасно е видливо дека еден од надворешните столбови бил напукнат и откинат.
© Vecer.mk, правата за текстот се на редакцијата
