Војната во Украина е, практично, глобална војна. Над 50 држави ја финансираат и вооружуваат Украина, а од другата страна е Русија која има свои, иако малубројни, сојузници.
Иако, навидум, таа се движи кон својот крај, претпоставен идната пролет, крајот можеби и не е така блиску откако ЕУ се обврза дека ќе и даде на Украина 90 милијарди евра. а германските медиуми објавија дека НАТО ќе инвестира и помага во Украина со 140 милијарди евра што е износ на вкупниот годишен буџет за одбрана на Русија.
Останува само да се види дали Украина има уште луѓе кои се подговтвени да одат на фронтот.
Амбасадорите на 32 земји-членки ја поддржаа иницијативата на состанокот во Брисел. Според планот, НАТО ќе издвои 70 милијарди евра годишно за вооружување и обука на украински војници во следните две години, вкупно 140 милијарди евра.
Се очекува лидерите на НАТО официјално да го одобрат планот за пет дена во Анкара.
Најголемиот дел од парите ќе бидат обезбедени од европските членки и Канада, откако Соединетите Американски Држави ја намалија финансиската помош за Украина под претседателот Доналд Трамп. Германија и претходно објави дека во 2026 година има намера да ѝ помогне на Украина со 11,5 милијарди евра.
Во последните месеци НАТО му помагаше на Киев преку програма наречена „Список на приоритетни потреби за Украина“, позната под кратенката ПУРЛ. Програмата функционира така што САД им продаваат оружје и муниција на европските сојузници и Канада, кои потоа ги доставуваат до Украина.
© Vecer.mk, правата за текстот се на редакцијата
