- Кибер нападите врз инструкциите може да ги оневозможат клучните услуги за граѓаните, да го наруши континуитетот на јавните услуги, па дури и да компромитираат чувствителни податоци, истакна Мац.
Според неа, Центарот за кибер безбедност на Белгија во просек добива информации за по 45 кибер инциденти месечно, при што овие закани главно доаѓаат од „руски, кинески или други хакери“, кои имаат за цел да ја ослабат земјата.
Се предвидува овие 55 милиони евра да бидат искористени за создавање на робустен дигитален штит за секоја федерална институција, без разлика на нејзината големината.
Овие мерки, според Мац, ќе вклучуваат и надградба на основните ИТ алатки, бидејќи некои институции се уште користат софтверски лиценци кои не ги исполнуваат врвните стандарди за кибер безбедност
- Ќе биде достапен и централизиран центар за информатичко-комуникациски технологии, од кој пред се корист ќе имаат помалите и честопати помалку опремени и поранливи структури, додаде белгиската министерка.
Мац најави дека имајќи го предвид „променливиот пејзаж на закани“, властите ќе ја следат состојбата и доколку е потребно подготвени се и за преиспитување на ресурсите за кибер безбедноста. /МИА
© Vecer.mk, правата за текстот се на редакцијата
