Белата куќа објави слика, која очигледно е генерирана со вештачка интелигенција, на која се прикажани кучиња со санки на крстопат, со цел да го нагласи ставот на американскиот претседател Доналд Трамп за време на клучната средба за иднината на Гренланд.
Сликата објавена на платформата X го носи насловот „На која страна, човеку од Гренланд?“ (Which way, Greenland man?) и прикажува две гренландски санки влечени од кучиња – едната насочена кон Белата куќа, а другата кон Кина и Русија. Сонцето сјае над Белата куќа, додека над Кремљ и Кинескиот ѕид беснее бура.
Which way, Greenland man? https://t.co/G0NnJdZRJK pic.twitter.com/TLmOwst6M6
— The White House (@WhiteHouse) January 14, 2026
Трамп ги омаловажи напорите на Данска да ја зајакне безбедноста на Гренланд, изјавувајќи неколку пати дека „две кучешки запреги“ не се доволни за одбрана на Арктикот.
Тој го бара Гренланд за Соединетите Американски Држави, наведувајќи ги безбедносните прашања и наводната закана од Русија и Кина во регионот. Трамп денеска на својата платформа Truth Social напиша дека Гренланд треба да биде „во рацете“ на Соединетите Американски Држави.
- Сè помалку од тоа е неприфатливо, додаде тој.
© Vecer.mk, правата за текстот се на редакцијата
