Израел изврши „превентивен напад“ врз Иран, изјави израелскиот министер за одбрана. Експлозии се слушнаа североисточно од главниот град Техеран, објави иранската државна телевизија „Нур њуз“ (Nour News).
Израелскиот министер за одбрана Израел Кац изјави дека станува збор за посебна ситуација и најави дека училиштата ќе останат затворени во петок.
Дописникот на „Скај њуз“ за Блискиот Исток, Алистер Бункал, потврди дека луѓето во Израел биле разбудени во раните утрински часови од сирени за воздушен напад кои предупредуваат на „жестока одмазда“.
„По превентивниот напад на Државата Израел врз Иран, во блиска иднина се очекува ракетен и беспилотен напад врз Државата Израел и нејзиното цивилно население“, рече Кац.
Тој додаде дека низ целиот Израел е воведена „специјална вонредна состојба“.
© Vecer.mk, правата за текстот се на редакцијата
