Поранешниот државен обвинител на Аризона, Марк Брновиќ, почина на 59-годишна возраст, соопшти неговото семејство.
„Со длабока тага семејството Брновиќ објавува дека Марк Брновиќ почина. Најпознат како 26-ти државен обвинител на Аризона, државен и федерален обвинител и застапник за правда, засекогаш ќе го паметиме и ќе го цениме како сакан татко, сопруг, син и брат. Нашите срца се скршени од оваа загуба и длабоко сме трогнати од изливот на љубов и поддршка од толку многу прекрасни луѓе низ целата држава и земјата. Семејството моли за приватност во ова тешко време. Комеморацијата ќе биде објавена штом ќе биде достапна“, се наведува во соопштението.
Причината за смртта не е објавена.
Брновиќ беше номиниран за позицијата амбасадор на САД во Србија, а за оваа позиција беше номиниран од претседателот на САД, Доналд Трамп, кој подоцна ја повлече номинацијата.
© Vecer.mk, правата за текстот се на редакцијата
