Протекување на приватни информации наводно поврзано со ултратајно друштво наречено „Дијалог“ основано од милијардерот на PayPal, Питер Тиел, го откри внатрешното работење на елитна група на која припаѓаат стотици глобални лидери, бизнисмени и милијардери, пишува Форбс.
На почетокот беа познати како „ПејПал мафија“ кога ја основаа компанијата со исто име пред речиси четвртина век.
„PayPal мафијата“ е популарно име за група поранешни основачи и вработени во компанијата PayPal, посредник при плаќање во интернет тргоцијата кои, откако компанијата беше продадена на eBay во 2002 година, станаа многу успешни претприемачи, инвеститори и милијардери. Овие луѓе практично го обликуваа сегашниот технолошки сектор во Силиконската долина.
Терминот беше популаризиран во 2007 година од списанието Fortune, кое објави насловна приказна во која членови на групата позираат во стилот на сицилијанската мафија. Сепак, наместо на криминал, нивниот „картел“ се базираше на технолошки иновации и меѓусебно финансирање на нови стартапи.
По напуштањето на PayPal, членовите на оваа група основаа, финансираа или водеа некои од најголемите компании во светот:
Елон Маск: Основач на SpaceX и Tesla и сопственик на социјалната мрежа X (порано Twitter). Питер Тиел (Тил): Коосновач на PayPal и компанијата за анализа на податоци Palantir. Тој беше и првиот голем инвеститор во Facebook.
Рид Хофман: Поранешен извршен директор на PayPal и коосновач на деловната социјална мрежа LinkedIn. Макс Левчин: Главен инженер и коосновач на PayPal, кој подоцна ја основа платформата Affirm. Стив Чен, Чед Харли и Џавед Карим: Иинженери во PayPal, кои ја напуштија компанијата за да го основаат YouTube. Џереми Стопелман и Расел Симонс: Поранешни вработени кои ја основаа популарната услуга за локални бизнис прегледи Yelp. Дејвид Сакс: Поранешен оперативен директор на PayPal, кој го основа Yammer (продаден на Microsoft) и стана влијателен инвеститор.
Зошто беа толку успешни? Додека работеа во PayPal, овој тим се соочуваше со огромни проблеми, хакери и измами секој ден, што ги натера да развијат најсовремени системи за безбедност и онлајн трансакции.
Кога ја продадоа компанијата на eBay, заработија многу пари и одлучија да не ги чуваат во банки, туку да ги реинвестираат. Тие си позајмуваа пари еден на друг, си помагаа со совети и инвестираа во нови идеи, создавајќи успешни проекти што доведоа до појава на модерниот интернет.
Станаа моќна група која го контролира бизнисот и тоа бизнис кој понатаму контролира други бизниси и усмерува јавно мислење.
И покрај нивната соработка, Елон Маск го сметаше Питер Тиел за социопат, додека Тил, пак, го сметаше Маск за измамник, според „Бизнис инсајдер“. И двајцата имаат огромно влијание во Вашингтон и во јавноста. И двајцата се членови на влијателното тајно друштво „Дијалог“.
Малку (или речиси ништо) се знаеше за „Дијалог“ сè додека организацијата основана од самиот Питер Тиел во 2006 година, со голема доза на иронија, не откри сериозен недостаток на безбедносна култура на Интернет.
Технолошка верзија на „Билдерберг“
Протекување на приватни информации наводно поврзано со ултратајно друштво наречено „Дијалог“ основано од милијардерот на PayPal, Питер Тиел, го откри внатрешното работење на елитна група на која припаѓаат стотици глобални лидери, бизнисмени и милијардери.
Тие дозволија да бидат хакнати; Покрај тоа, се чини, на прилично прозаичен начин, пропуст што ги остави оние кои знаат каде да бараат во кодот на веб-страницата списоци на членовите на групата кои се чуваат строго во тајност две децении.
Документите, разгледани и откриени од Wired покажуваат дека Тиел и инвеститорот Орен Хофман го основале Dialog во 2006 година како приватна организација, со влез во неа само со покана и „двопартиска“ мрежа на влијателни луѓе во технологијата, политиката, академијата, финансиите, владата и пошироко.
Dialog се опишува себеси како место за неофицијални врски меѓу лидери од различни области и идеолошки средини, а групата организира барем еден личен собир годишно на раскошни локации како што се Риц-Карлтон Дав Маунтин во Аризона, Риц-Карлтон во Санта Барбара, Калифорнија и палатата Сан Клементе во Венеција.
Средбите вклучуваат модерирани сесии за учесниците (на кои им е ветено дека ништо што ќе кажат нема да ја напушти просторијата) со имиња како „Парите (дали?) купуваат среќа“, „Вратете ја нуклеарната енергија“, „Навигација низ Третата светска војна“ и „Како е вашиот сексуален живот?“
Протекувањето, првично откриено од швајцарската хактивистка Маја Арсон Кримв, откри дека записите за регистрација биле скриени во јавно достапниот код на слабо обезбедената веб-страница на групата - dialog.org - и за секое лице, Дијалог наведува статус на членство, секој ретрит (собир) што го посетувале, биографија, политичка припадност, град на живеење и приватен токен за пристап, кој функционира како акредитиви за најавување.
Дијалог е опишан како Билдерберг (неофицијално собирање на политичката и бизнис елитата) што се среќава со салонот на Силиконската долина.
Швајцарски хактивист – хакер и активист – инаку аутистичен транс бисексуалец кој ја претпочита личната заменка тоа (сè во овој случај е на работ на бизарност), му откри на заинтересираниот свет нешто за тајното друштво на моќните и богатите што порталот „Аксиос“ го опишува како технолошка верзија на групата „Билдерберг“, која, со својата концентрација на моќ колку и со нетранспарентноста на своите активности, предизвикува разни теории на заговор веќе три четвртини век. Меѓу нив, многу се потврдени во пракса.
За Билдерберг барем се знае кои се неговите членови и кои се темите, иако не како ги одбораат и планираат кои ги обработуваат на своите годишни собири. Во случајот со Дијалог, освен фактот дека постои, досега не се знаеше многу.
Список на учесници на ДИЈАЛОГ
Сега е познато, барем, дека на списокот на учесници на загрижувачки дискретните собири, за да сведочат за важноста на „Дијалогот“.
Покрај Питер Тиел и првиот милијардер во светот, Елон Маск, се наоѓаат и раководителите на Open AI, Google, Microsoft, YouTube - накратко, командата на технолошката револуција во вештачката интелигенција на Западот - а со нив, меѓу другите, влијателниот зет на Доналд Трамп, Џаред Кушнер, секретарот за финансии Скот Бесант, секретарот на армијата Ден Дрискол, сенатори и конгресмени од двете страни на американската политичка поделба, но и командантот на силите на НАТО во Европа, американскиот генерал Алексус Гринкевич, шефот на дипломатијата на Европската Унија Каја Калас, политички и финансиски функционери од Обединетото Кралство, поранешниот шеф на разузнавањето на Саудиска Арабија, поранешниот германски министер за одбрана Карл-Теодор цу Гутенберг, Хенри Кравис од KKR кој долго време е присутен на локалниот медиумски пазар...
Интересно е што, како што утврди порталот Wired, ниту еден од гореспоменатите функционери не користел службени е-пошти за регистрација и кореспонденција, туку исклучиво приватни, што значи дека не подлежат на прописи за јавен пристап до податоци. Малку е веројатно дека оваа регуларност е производ на чиста случајност.
Поврзаност со Епштајн
На списокот на членови на Дијалогот е и Лари Самерс, поранешниот секретар на Министерството за финансии на САД, кој беше посрамотен (секако, не гонет) поради неговите интензивни и обемни врски со педофилот Џефри Епштајн. Кој, пак, интензивно соработуваше и со Питер Тиел. Значи, веројатно не треба да биде изненадувачки што во оваа пригода, меѓу објавените досиеја на Епштајн, е пронајдена е-пошта од 2012 година во која тој охрабрува еден од поканетите на Дијалогот да му одговори.
Но, дотичната кореспонденција е позначајна поради она што организаторот на собирот - Орин Хофман, коосновач на „Дијалогот“ со Питер Тил - го пишува во поканата за средбите Дискусијата, вели тој, ќе биде „како да се промени светот“.
На „Дијалогот“ 2014, според оваа покана од 2012 година, ќе има „150 луѓе кои го менуваат светот“, „глобални лидери кои имаат влијание во овој момент и лидери во подем кои можат да помогнат во спроведувањето на плановите што ги развиваме“. Што впечатливо потсетува на Младите лидери на Светскиот економски форум во Давос, на кој пред нив се појавуваа Емануел Макрон, Џастин Трудо, Ангела Меркел и Тони Блер; уште еден глобален расадник на персонал од истата кадровска служба и со слични цели.
Градење култови и технологија на бојното поле
И сè, пишува тој понатаму, е 100 проценти неофицијално. Тоа е, тајно - за сите освен нив, така што дури и лондонскиот Гардијан е принуден да признае во оваа пригода дека ваквите „транснационални собири на најмоќните финансиски, технолошки и политички елити (…) фундаментално претставуваат проблем за демократијата“.
И уште поопасно од тоа, со оглед на тоа што сега е откриено дека овогодинешниот собир „Дијалог“ - планиран за август во близина на Даблин - вклучува и сесии наречени „Технологии на бојното поле“, „Враќање на нуклеарното оружје“ и „Управување со Третата светска војна“, а планирано е овие теми да бидат дискутирани (тајно) од страна на претставници на Европската Унија и НАТО и, меѓу другите, Елон Маск, Питер Тиел, Алекс Карп и Ерик Шмит, кои се длабоко интегрирани во Пентагон додека во Украина веќе управуваат со технологијата на нивната војна против Русија.
И една од планираните теми е „Градење култови“, што мора да е уште позагрижувачко со оглед на фасцинацијата на Питер Тиел со Антихристот, за кого тој - зад затворени врати, се разбира - одржа серија предавања низ целиот свет.
Што е „Дијалог“ и зошто се обиде да остане тајна? Какви планови имаат неговите членови за човештвото? И како тие можат да бидат осуетени?
ДИЈАЛОГ не е ништо ново, ова се претходниците
Склоноста богатите и моќните да создаваат свои здружувања, “тајни групи“ преку кои ќе се договараат планови за “менување на светот“ надвор од демократските легални иснтитуции и надвор од вољата на гласачите не е ништо ново во историјата. Особено не во поновата по Првата и Втората светска војна и сите најзначајни меѓу поновите потекнуваат од САД.
Билдерберг група
Билдерберг групата е неофицијална, затворена годишна конференција која собира помеѓу 120 и 150 од највлијателните личности од светот на политиката, бизнисот, финансиите, медиумите и академијата од Европа и Северна Америка.
Основачката цел на групата, која е создадена во 1954 година (именувана по хотелот Билдерберг во Холандија каде што се одржа првиот состанок), е да го поттикне дијалогот и да го зајакне консензусот меѓу Северна Америка и Европа. Формално, за слободна размена на мислења, а не за гласање, донесување официјални одлуки или издавање политички изјави.
Поканите се строго на лична основа, а на состанокот се собираат премиери, претседатели, директори на мултинационални компании (како што се банки и нафтени гиганти), како и водечки медиумски магнати.
Најистакнатите и најпознатите личности кои присуствуваа на состаноците сеp поранешни претседатели и функционери на САД: Бил Клинтон, Барак Обама (пред да стане претседател), Хенри Кисинџер. Европски лидери: Ангела Меркел, Тони Блер, Дејвид Камерон, Емануел Макрон (пред претседателствувањето).
Претставници на НАТО: Јенс Столтенберг (генерален секретар). Бизнис, банкари и технолошки лидери: Семејство Рокфелер: Дејвид Рокфелер (поранешен шеф на Chase Manhattan Bank).
Директори за технологија и медиуми: Ерик Шмит (поранешен извршен директор на Google), Џеф Безос (Amazon). Финансиски институции: Кристин Лагард (претседателка на Европската централна банка).
Сите состаноци се одржуваат зад затворени врати. Учесниците можат слободно да ги користат информациите што ги добиваат, но строго им е забрането да го откриваат идентитетот или припадноста на лицето кое ги презентирало, што гарантира дискреција.
Поради тајноста на состаноците, отсуството на официјални записници и присуството на најмоќните луѓе во светот на едно место, Билдерберг групата е честа тема на бројни теории на заговор кои тврдат дека всушност делува како „светска влада во сенка“ која управува со глобалните процеси.
Трилатерална комисија
Трилатералната комисија е невладина, приватна организација и дискусиона група основана во 1973 година на иницијатива на Дејвид Рокфелер.
Целта на нејзиното основање беше да се промовираат блиски односи и соработка меѓу Северна Америка (САД и Канада), Западна Европа и Јапонија.
Ги обединува истакнатите политичари, бизнис лидери, банкари, академици и претставници на медиумите од трите споменати региони. Членовите не се официјални претставници на своите влади, туку дејствуваат во свој личен капацитет.
Некои од најпознатите и највлијателни членови од светот на политиката, бизнисот и дипломатијата се:
Дејвид Рокфелер - основач на Трилатералната комисија и долгогодишен директор на Chase Manhattan Bank. Хенри Кисинџер - поранешен државен секретар на САД и добитник на Нобелова награда за мир. Жан-Клод Трише - поранешен претседател на Европската централна банка (ЕЦБ). Марио Монти - поранешен премиер на Италија. Џими Картер - поранешен претседател на САД. Збигњев Бжежински - поранешен советник за национална безбедност на САД и коосновач на комисијата. Карл Билт - поранешен премиер на Шведска и висок меѓународен дипломат. Јирген Шремп - поранешен извршен директор на Daimler. Масахиро Ога - поранешен претседател на издавачката куќа Shogakukan.
Со оглед на тоа што членството е исклучително селективно и се пополнува само со покана, во него нема поп-ѕвезди или спортисти, туку само луѓе од самиот врв на глобалната моќ.
Дискусија за клучните глобални економски, политички и безбедносни предизвици со цел да се најдат заеднички решенија и да се обезбеди стабилноста на светскиот поредок.
Комисијата редовно издава извештаи, организира пленарни седници и има регионални ограноци кои влијаат врз создавањето на јавното мислење и формирањето на глобалните политики. Често се поврзува со теории на заговор кои тврдат дека претставува неформална светска влада која управува со глобалните процеси од сенка.
© Vecer.mk, правата за текстот се на редакцијата
