-Одлуката на претседателот Трамп да го бомбардира Иран ги става САД на работ на поширока војна на Блискиот Исток без одобрение од Конгресот, што е потребно според Уставот, рече демократскиот сенатор Дик Дарбин.
Неколку членови на Конгресот, исто така, рекоа дека американските разузнавачки служби не идентификувале непосредна закана од Иран што би ја оправдала одлуката на Трамп.
Лидерите на демократите во Сенатот и Претставничкиот дом, Чак Шумер и Хаким Џефрис, рекоа дека Трамп „драматично го зголемил“ ризикот САД да се вклучат во нова ескалација на Блискиот Исток.
-На ниту еден претседател не треба да му се дозволи еднострано да ја вовлече земјата во нешто толку важно како војна, со непредвидливи опасности и без стратегија, рече Шумер.
Огромното мнозинство републикански членови на Конгресот ја поддржаа одлуката на Трамп да ги нападне нуклеарните постројки на Иран и со тоа да се придружи на израелската офанзива против Техеран, која трае од 13 јуни.
© Vecer.mk, правата за текстот се на редакцијата
