Американската војска привремено ќе ги прекине летовите за обука со хеликоптери во близина на Пентагон додека не се заврши истрагата за двата патнички авиони кои беа принудени да се откажат од слетувањата на Националниот аеродром „Реган“ во Вашингтон затоа што хеликоптер „Блек Хок“ леташе во близина, изјави неименуван американски функционер.
12-тиот воздухопловен баталјон привремено ги суспендираше летовите со хеликоптери околу Пентагон додека не се утврди што се случило за време на инцидентот во четвртокот, изјави официјален претставник за Ројтерс.
Летовите за обука со хеликоптери постепено беа обновени по 29 јануари, кога хеликоптер на „Блек Хок“ и авион на „Американ ерлајнс“ се судрија над Вашингтон, при што загинаа 67 лица.
Според Федералната администрација за воздухопловство (FAA), контролата на воздушниот сообраќај им наложила на два патнички авиона да кружат и да чекаат да слетаат, бидејќи хеликоптер „Блек Хок“ бил во близина и летал кон Пентагон.
⚠️BREAKING⚠️
— Jonathan T Gilliam (@JGilliam_SEAL) May 3, 2025
Two planes do 'go-arounds' to avoid military Priority Air Transport Blackhawk near Reagan Washington National Airport
The aircraft "took a scenic route around the Pentagon versus proceeding directly from the west to the heliport" prompting controllers to call for… pic.twitter.com/qqTdDaQZt7
ФАА и Националниот одбор за безбедност во сообраќајот соопштија дека го истражуваат инцидентот. Министерот за транспорт Шон Дафи изјави дека војската не ги почитувала безбедносните прописи во врска со летовите со хеликоптери.
„Крај на повеќе возења со хеликоптер за ВИП личности, ниту на непотребни летови за обука во пренатрупаниот воздушен простор на Вашингтон полн со цивилни авиони. Нека се возат со такси или Убер“, рече тој.
© Vecer.mk, правата за текстот се на редакцијата
