Поранешната германска канцеларка Ангела Меркел денес предупреди дека вештачката интелигенција може да предизвика следниот голем конфликт меѓу Европа и Соединетите Американски Држави.
Зборувајќи на настан организиран од списанието „Штерн“ во Берлин, Меркел повика на обврзувачки правила за користење на вештачката интелигенција и нагласи дека алгоритмите што работат без контрола би можеле да ги лишат луѓето од важни информации, објавува Билд.
Меркел особено ја критикуваше американската администрација на Доналд Трамп, истакнувајќи дека САД ќе се обидат да спречат регулирање на дигиталните медиуми и вештачката интелигенција и дека ќе има „само еден победник“ во глобалната трка за доминација во областа на вештачката интелигенција.
Поранешната германска канцеларка, исто така, предупреди дека ЕУ често се смета за „пречкa“ во САД, бидејќи Америка преговара со поединечни членки, а не со ЕУ како целина.
Сепак, таа рече дека останува обожавател на американската култура, наведувајќи ги „фармерките, Брус Спрингстин и Западниот Брег“ како „нешто за што може да се фантазира“.
© Vecer.mk, правата за текстот се на редакцијата
