Средбата на земјите-членки на Г7 во Канада, освен што беше можност за билатерални и други средби на лидери, повторно беше во фокусот поради реакцијата на италијанската премиерка Џорџа Мелони.
Пред почетокот на сесијата, камерите го снимија моментот во кој францускиот претседател Емануел Макрон ѝ се приближи на италијанската премиерка и ѝ кажа одредени работи „доверливо“.
Иако светските лидери се обидуваат да ги скријат лицата и она што го зборуваат, Мелони не можеше да ја скрие својата реакција на она што Макрон ѝ го кажа и во еден момент го погледна Макрон, а потоа „преврте со очите“.
Засега не е познато за што разговарале Макрон и Мелони во тие моменти, но сите забележаа како во тие моменти Мелони гледаше во правецот каде што седеше Доналд Трамп.
Италијанската премиерка проговори кратко по состанокот на Г7 и рече дека ја искористила можноста да разговара со американскиот претседател Доналд Трамп.
„Разговаравме за главните меѓународни прашања, со посебен фокус на ситуацијата во Иран и на Блискиот Исток. Исто така, се осврнавме и на прашањето за економските односи меѓу ЕУ и САД, повторувајќи ја важноста од зајакнување на трансатлантската соработка“, рече Мелони.
© Vecer.mk, правата за текстот се на редакцијата
