Фридрих Мерц беше потврден за нов германски канцелар со 325 гласа „за“, 289 „против“, еден воздржан и три неважечки гласа. Потребни беа повеќе од 316 гласови.
Ова го прави Фридрих Мерц следниот сојузен канцелар и може да ја преземе функцијата шеф на владата уште утре.
Мерц рече дека ја прифаќа должноста.
Лидерот на германските христијански демократи, Фридрих Мерц, го помина вториот круг од изборите за германски канцелар.
Мерц не успеа да го освои потребното мнозинство во Бундестагот во првиот круг од гласањето, што претставуваше неочекуван удар за неговата нова коалиција со социјалдемократите.
Мерц (69), кој на чело на Христијанско-демократската унија ЦДУ/ЦСУ победи на федерално ниво во февруари и договори коалиција со Социјалдемократите (СПД), доби само 310 гласови во Долниот дом на парламентот, објави претседателката на Бундестагот, Јулија Клокнер. Му беа потребни најмалку 316 гласови за да биде избран во првиот круг.
Тој сега е на пат кон средба со германскиот претседател Франк-Валтер Штајнмаер, а церемонијата на положување заклетва во парламентот се очекува да започне околу 18:15 часот по берлинско време.
© Vecer.mk, правата за текстот се на редакцијата
