Програмата „Преглед на годината со Владимир Путин“ досега има добиено повеќе од 314.000 барања со прашања упатени до рускиот претседател Владимир Путин, објавува денес РИА Новости.
Жените испратиле 67 проценти од барањата, а 33 проценти биле испратени од мажи.
Русите се најзаинтересирани за прашања поврзани со социјалната сфера, додека на второ место е темата за воена одбрана, поддршка на војниците и одбраната, како и руската економија.
Собирањето прашања за „Преглед на годината со Владимир Путин“ започна во четврток и ќе продолжи до почетокот на програмата, која се емитува на 19 декември во 12:00 часот по московско време.
Прашањата може да се испраќаат преку чет-ботови на националната платформа MAX, како и на социјалната мрежа VKontakte, а прашањата ќе се примаат преку веб-страницата moskva-putinu.ru и социјалната мрежа Odnoklasnici.
„Преглед на годината со Владимир Путин“ во 2024 година траеше четири и пол часа, за време на кои рускиот претседател одговори на 76 прашања.
Оваа година, директната линија повторно ќе биде комбинирана со голема прес-конференција.
© Vecer.mk, правата за текстот се на редакцијата
