Трамп откри дали ќе присуствува на погребот на папата Франциско
Американскиот претседател Доналд Трамп најави дека тој и неговата сопруга Меланија ќе присуствуваат на погребот на папата Франциско во Рим.
„Јас и Меланија ќе одиме на погребот на папата Франциско. Чест ни е што сме таму“, напиша Трамп на својата социјална мрежа Truth Social.
Тој претходно денеска изјави дека не е сигурен дали ќе присуствува на погребот на папата Франциско, за кого рече дека е „многу добар човек“.
„Сè уште не знам. Веднаш ќе бидете информирани за тоа“, им рекол Трамп на новинарите во Белата куќа, пренесе Си-Ен-Ен.
Запрашан дали би сакал да присуствува на погребот на папата Франциско, Трамп рече дека „мора да го разгледа“ неговиот распоред.
Претходно денеска американскиот претседател нареди знамињата во САД да бидат спуштени на половина копје, во чест на смртта на папата.
© Vecer.mk, правата за текстот се на редакцијата
