Откако САД најавија дека ја започнуваат операцијата „Слобода“ за безбедно извлекување на бродовите од Ормускиот Теснец, а Централната команда веќе ги објави силите што ќе бидат ангажирани за оваа намена, иранските сили упатија предупредување до американската морнарица да не навлегува во подрачјето на теснецот.
Техеран соопшти дека секое мешање на САД во новиот поморски режим ќе се третира како кршење на примирјето, нагласувајќи дека со Ормускиот Теснец и Персискиот Залив нема да управуваат заблудите на Трамп. Истовремено, претседателот Доналд Трамп потврди дека САД го одбиле иранскиот предлог за завршување на војната во три фази.
© Vecer.mk, правата за текстот се на редакцијата
