Поранешната демократска потпретседателка на САД, Камала Харис, нема да се кандидира за гувернер на Калифорнија, објави денес нејзината канцеларија.
„Сериозно размислував да побарам од луѓето на Калифорнија привилегија да служам како нивен гувернер. Ја сакам оваа држава, луѓето. Тоа е мојот дом. Но, по длабоко размислување, решив да не се кандидирам за гувернер на овие избори“, рече Харис, пренесува Ројтерс.
Таа рече дека нема да се кандидира на претстојните избори, но не ја исклучи можноста да се кандидира во 2028 година.
„Се радувам што ќе им помогнам на избраните демократи низ целата земја да се борат без страв и ќе објавам повеќе детали за моите планови во наредните месеци“, додаде таа.
Бидејќи сегашниот гувернер на Калифорнија, Гевин Њусом, не може да се кандидира за реизбор, бидејќи ја држи функцијата од 2019 година, демократите кои се кандидираат за гувернер на државата се Ксавиер Бесера и Кејти Портер.
© Vecer.mk, правата за текстот се на редакцијата
